موضوع: الدرس الاول ازالة النص من علي الصوره الخميس أغسطس 12, 2010 2:56 pm
الدرس الاول : إزالة نص من الصورة
افتح برنامج الفوتوشوب .. افتح الصورة المراد ازالة النص منها عن طريق File ----> Open انا اخترت هذي الصورة :
أبي أشيل الكتابة اللي عليها BAHRAINEVENTS في عدة طرق ان شاء الله باشرحها كلها .. انتو اختارو الطريقة اللي تناسبكم .. باتدرج في الأساليب من الأيسر إلى الأعسر لووول ..
نبتدي بأول أداة .. Patch Tool
طريقة الاستخدام : قم بإحاطة النص المراد إزالته باستخدام الأداة حتى تحصل على تحديد
الحين روح في وسط التحديد و إضغط بالماوس و إمسك و نزل على أي مكان في الصورة تحسه ينفع ينحط مكان الكتابة و يغطيها .. في هذي الحالة تحت الكتابة مكان مناسب ..
فبضغط .. و بامسك الماوس و بانزل شوي شوي تحت .. بتلاحظون انه مكان الكتابة تلون بلون المكان اللي نزلت له ..
بس اذا حسيت الرقعة صارت تمام .. هد الماوس و بعدين طق Ctrl + D .. و النتيجة النهائية :
يتبع ، طرق أخرى لإزالة النص
ثاني أداة .. Spot Healing Brush Tool هذي الأداة أحلى و أسهل منها مافي
طريقة الاستخدام : اختار الأداة و عقب سو رايت كلك على الصورة عشان تطلع لك النافذة هذي :
غير حجم الفرشاة ( الدائرة تحت حرف الـB في الصورة السابقة ) أنا أخترت الحجم 19 لأنه أكبر من حجم الحروف بشوي .. يعني على حسب حجم النص اللي تبي تشيله تتحكم في حجم الفرشاه ..
الحين روح على النص و لون النص كامل بالفرشاه بضغطة وحده و سحبه وحده كالتالي :
و اذا خلصت النتيجة بتكون كالتالي :
يتبع ، طرق أخرى لإزالة النص
ثالث أداة .. Clone Stamp Tool طريقة شغلها كوبي جزء من الصورة و بيست للمكان اللي تبيه
نفس الشي أول شي نختار الاداة عقب رايت كلك على الصورة و نتحكم في حجم الفرشاة .. أنا أخترت هذا الحجم أحسه مناسب و يغطي الكلام و لاحظوا الـ Hardness خليته 0 عشان أطراف الفرشاة تكون ناعمة جدا :
طريقة الاستخدام : أول شي تشوفلك مكان مناسب من الصورة ينفع تحطه مكان الكلام بحيث يغطي الكلام .. أنا اخترت أسفل الكلام الخلفية مشابهه لخلفية الكلام .. أروح مثلا من صوب اليمين وأطق Alt + طقه كلك بالماوس ..
الحين تروح على الكلام و تمشي عليه بالفرشاه بضغطة وحدة ، بتلاحظون انه بيتلون بالخلفية اللي انتو حددتوها قبل شوي بالـalt + Click و مكان ماتمشون بيمشي ، كأنه كوبي بيست يصبغ المكان :
الرئيسية 
أحدث الصور 
التسجيل 
دخول 
موضوع: الدرس الاول ازالة النص من علي الصوره 
